திருவள்ளூர்: விஜயகாந்த்தின் தீவிர ரசிகராக இருந்து பின்னர் தேமுதிகவில் இணைந்து செயல்பட்டு வரும் ஆர். சுரேஷ், திருவள்ளூர் தனி தொகுதியின் வேட்பாளராக போட்டியிடுகிறார்.

திருவள்ளூரைச் சேர்ந்தவர் சுரேஷ். புழல் ஒன்றிய தேமுதிக செயலாளராக இருக்கிறார்.

பில்டிங் கான்டிராக்டர், ரியல் எஸ்டேட் என கட்டுமானத் துறையில் கலக்கி வரும் சுரேஷ், பத்தாம் வகுப்பு வரை படித்துள்ளார்.

விஜயகாந்த்தின் தீவிர ரசிகராம் சுரேஷ். ஆரம்ப காலம் முதலே ரசிகராக இருந்து வந்த அவர் விஜயகாந்த் கட்சி ஆரம்பித்தவுடன் தேமுதிகவில் இணைந்தார்.

இன்று திருவள்ளூர் தனி தொகுதியின் வேட்பாளராக உயர்ந்துள்ளார்.

தீவிர விஜயகாந்த் விசுவாசியான சுரேஷ், கேப்டனின் கரத்தை வலுப்படுத்த திருவள்ளூரில் வெற்றிக் கனி பறிப்பேன் என உறுதியுடன் கூறுகிறார். தீவிரப் பிரசாரத்தையும் தொடங்கி விட்டார். விஜயகாந்த் வந்த பின்னர் பிரசாரம் மேலும் களை கட்டும் என நம்பிக்கையுடன் கூறுகிறார்.