DMDK India

பண‌ம் கொடு‌ப்பதுதா‌ன் ‌திரும‌ங்கல‌ம் பா‌ர்முலா: விஜயகாந்த்

admin — Sat, 19 Dec 2009 08:07:22 +0000

”வாக்காளர்களை ஒரு புறத்தில் பயமுறுத்துவதும், மறுபுறத்தில் பணம், பிரியாணி என்று ஆசை காட்டுவதும்தா‌ன் திருமங்கலம் பார்முலா” எ‌ன்று தே.மு.தி.க. தலைவர் விஜயகாந்த் கூறியுள்ளார்.

இது தொட‌ர்பாக அவ‌ர் வெ‌ளி‌யி‌ட்டு‌ள்ள அ‌றி‌க்கை‌யி‌ல், ஜனநாயகத்தில் வேண்டாதவர்களை நீக்கவும், வேண்டியவர்களை ஆட்சிக்குக் கொண்டு வரவும் வகைசெய்வதே தேர்தல். ஆனால் தேர்தல்கள் நியாயமாகவும், சுதந்திரமாகவும் நடைபெற வேண்டும். இதற்குத் தேர்தல் ஆணையம்தான் நேரடி பொறுப்பு என்றாலும், நிர்வாக ரீதியில் மாநில அரசுதான் இதற்கு உத்தரவாதம் அளிக்க வேண்டும். ஆனால் தமிழ்நாட்டில் நடைபெற உள்ள திருச்செந்தூர், வந்தவாசி இடைத்தேர்தல்களில் இவை நிறைவேறுமா?

மேலை நாடுகளில் இடைத் தேர்தல்களின்போது அமைச்சர்கள் பிரசாரத்தில் ஈடுபடுவதில்லை. ஆனால் இங்கு ஆட்சி செய்யும் கோட்டையே காலியாகி விடுகிறது. அமைச்சர்கள் தொகுதிகளில் முகாமிடுகின்றபொழுது அதிகாரிகள் புடைசூழ வருவதும், ஆணைகள் பிறப்பிப்பதும், அப்பட்டமான அதிகார துஷ்பிரயோகம் ஆகும்.

காவல்துறை உதவியோடு எதிர்க்கட்சிகளின் மீது வன்முறை கட்டவிழ்த்துவிடப்படுகிறது. ஒரு ஓட்டப்பந்தயம் போல பல அரசியல் கட்சிகளுக்கிடையே ஆரோக்கியமாக நடைபெறவேண்டிய அரசியல் போட்டி, சமூக விரோதிகளைக் கொண்ட போர்க்களமாகவே ஆக்கப்பட்டுவிட்டது. வாக்காளர்களை ஒரு புறத்தில் பயமுறுத்துவதும், மறுபுறத்தில் பணம், பிரியாணி என்று ஆசை காட்டுவதும் வாடிக்கையாகிவிட்டது. இதையே திருமங்கலம் பார்முலா என்று கொண்டாடுகின்றனர். அது ஜனநாயகத்துக்கு வெட்டப்பட்டுள்ள மரணப் படுகுழி என்று நல்லவர்கள் வேதனைப்படுகின்றனர்.

மீனவ வாக்காளர்களைக் கவரவேண்டும் என்பதற்காக தமிழக முதல்வர் கருணாநிதி கேட்டுக் கொண்டதின் பேரில் மத்திய அரசு மீன்பிடித் தொழில் ஒழுங்குமுறை சட்ட மசோதவை தாற்காலிகமாக நிறுத்தி வைத்துள்ளது. அது மீண்டும் கொண்டுவரப்படமாட்டாது என்ற உறுதி எதுவுமில்லை. ஆகவே மீனவர்கள் இதை நம்ப வேண்டாம் என்று கேட்டுக்கொள்கிறேன். வாக்களர்களுக்குச் சிறிதளவு பணம் கொடுத்து வெற்றிபெற்று பதவிக்கு வந்தபின் பெருமளவுக்கு ஊழல் செய்கின்றனர். மக்களின் வரிப்பணம் இதனால் முக்கால் பங்கு கொள்ளை போகிறது.

தமிழ்நாட்டில் கடந்த 20 ஆண்டுகளில் ஆட்சிகளை மாற்றி, மாற்றி பார்த்தும் கூட ஏழ்மையை ஒழிக்க முடியவில்லை. மக்களுக்காக பாடுபடக்கூடிய நல்லவர்கள் என்றைய தினம் தேர்தல்களில் ஈடுபட்டு வெற்றிபெறுகிறார்களோ அன்றைய தினம்தான் மக்களுக்கு விடிவுகாலம் ஏற்படும்.

தேர்தலில் செலவழிக்கப்படும் பணம் அவர்களது உழைப்பில் வந்ததல்ல. மக்கள் வரிப்பணத்தில் பதவிக்கு வந்தவர்கள் மனசாட்சியை விற்று கொள்ளையடித்ததுதான். ஆகவே கடந்த ஆட்சிக் காலங்களில் போட்டி போட்டுக் கொண்டு ஊழலில் திளைத்தவர்கள், இப்போது போட்டி போட்டுக் கொண்டு மக்களுக்குப் பணம் கொடுக்கிறார்கள். எனவே பணம் வாங்கிய மக்கள் மனசாட்சிப்படி அவர்களுக்குத்தான் ஓட்டுப் போடவேண்டுமென்ற அவசியமில்லை. நீதியின் பக்கம் மக்கள் திரண்டு எழுந்து நிற்பார்கள் என்று விஜயகாந்த் கூறியுள்ளார்.

என் தைரியத்தை விலை கொடுத்து வாங்க முடியாது – விஜயகாந்த்

admin — Wed, 16 Dec 2009 10:21:31 +0000

வந்தவாசி தொகுதி இடைத்தேர்தலில் இரண்டு நாட்களாக தே.மு.தி.க. தலைவர் விஜயகாந்த் தேர்தல் பிரசாரத்தில் ஈடுபட்டார். சாலவேடு கிராமத்தில் பிரசாரத்தை தொடங்கிய அவர், கீழ்கொங்காலூர், மருதாடு, வந்தவாசி, இளங்காடு, நடுகுப்பம், நல்லூர், மாவலவாடி, தெய்யார், தெள்ளார் ஆகிய கிராமங்களில் வேனில் நின்றபடியே தே.மு.தி.க.வேட்பாளர் ஜனார்த்தனனுக்காக முரசு சின்னத்திற்கு வாக்கு கேட்டார்.

அப்போது அவர் கூறியதாவது:

நான் தவறுகளை சுட்டிக்காட்டியதால் கல்யாண மண்டபம், தோட்டத்தை இடிப்பதுடன், வருமான வரி துறையினரை என் மீது ஏவுகின்றனர். என்னை சோதிக்காதீர்கள், சோதித்தால் விளைவுகள் மோசமாக இருக்கும். நீங்கள் எதைவேண்டுமாலும் விலை கொடுத்து வாங்கலாம். விஜயகாந்தின் தைரியத்தை விலை கொடுத்து வாங்க முடியாது.

எனக்கு எல்லாவேலையும் தெரியும். தே.மு.தி.க தொண்டர்களை சாதாரணமாக நினைக்க வேண்டாம். என் கட்சி மக்கள் சக்தி உள்ள கட்சி என்று பேசினார்.

சத்திரியராக இருப்பதை விட சாணக்கியராக இருங்கள் விஜயகாந்த் தெரிவிப்பு!

admin — Tue, 15 Dec 2009 10:30:22 +0000

திருச்செந்தூர்: சத்திரியராக இருப்பதை விட சாணக்கியராக இருங்கள் என்று தே.மு.தி.க. தலைவர் விஜயகாந்த் கூறினார். திருச்செந்தூர் இடைத்தேர்தலில் தே.மு.தி.க.வேட்பாளர் கோமதி கணேசனுக்காகப் பிரசாரம் செய்த விஜயகாந்த் பேசியதாவது;

இந்தத் தொகுதியில் ஏன் தேர்தல் வந்தது என்பதை சிந்திக்க வேண்டும். அரசுக்கு உங்கள் எதிர்ப்பைக் காட்டுங்கள். அப்போதுதான் ஆளும் கட்சியினருக்குப் பயம் வரும்.தே.மு.தி.க. 21 ஆவது கட்சி என்றார்கள். அப்படிச் சொன்னவர்களை இன்று காணவில்லை. தற்போது களத்தில் தி.மு.க., அ.தி.மு.க., தே.மு.தி.க. மட்டுமே உள்ளன. தைரியம் இருந்தால் அவர்களும் வந்து நிற்கலாம்.

மத்தியில் காங்கிரஸ் ஆட்சிக்கு வந்த பின் விலைவாசி குறையவில்லை. விலைவாசியைக் கட்டுப்படுத்த மாநில அரசுகள் தான் நடவடிக்கை எடுக்க வேண்டும் என்று பிரதமர் மன்மோகன் சிங் கூறினார். ஆனால், இங்கு அப்படி எந்த நடவடிக்கையும் எடுக்கப்படவில்லை.தமிழ் நாட்டில் 62 இலட்சம் இளைஞர்களுக்கு வேலைவாய்ப்பு இல்லை. உங்களால் வீட்டுக்கு ஒருவருக்கு வேலை கொடுக்க முடியுமா? எங்களுக்கு வாய்ப்புக் கொடுத்தால் படிக்காத இளைஞர்களுக்கும் வேலைவாய்ப்பை உருவாக்கிக் கொடுப்போம்.

தே.மு.தி.க. உருவானதில் இருந்து அனைத்துத் தேர்தல்களிலும் போட்டியிட்டு வருகிறது. மார்ட்டின் லூதர் கிங் என்றாவது ஒருநாள் மக்கள் மத்தியில் தலைவராக நிற்பேன் என்றார். அதேபோல், நானும் ஒருநாள் நிற்பேன்.தே.மு.தி.க.வில் இஸ்லாமியர்களுக்கே அதிக வாய்ப்புகள் கொடுக்கப்பட்டு வருகின்றன. சத்திரியராக இருப்பதை விட சாணக்கியராக இருங்கள். எங்களுக்கு ஒரு வாய்ப்புக் கொடுங்கள் என்றார்.

ஈழத் தமிழரைக் காப்பாற்ற தவறிவிட்டார் கருணாநிதி – விஜயகாந்த்

admin — Tue, 15 Dec 2009 10:23:02 +0000

இலங்கைத் தமிழர்களைமுதல்வர் கருணாநிதி காப்பாற்றத் தவறிவிட்டார் என்று தே.மு.தி.க. தலைவர் விஜயகாந்த் குற்றஞ்சாட்டினார். திருச்செந்தூர் இடைத்தேர்தலில் தே.மு.தி.க. வேட்பாளராக போட்டியிடும் கோமதி ஆ.கணேசனுக்கு ஆதரவு திரட்டுவதற்காக அக்கட்சியின் நிறுவன தலைவர் விஜய காந்த் நேற்று முன்தினம் மாலை 4.45 மணிக்கு ஆறுமுகநேரிக்கு வந்தார். அங்கு அவருக்கு தேர்தல் பொறுப்பாளர் ஆஸ்டின் தலைமையில் பட்டாசுகள் வெடித்து உற்சாக வரவேற்பு அளிக்கப்பட்டது.

அங்கு திரண்டு இருந்த தொண்டர்களிடையே திறந்த வானில் நின்றபடி விஜய காந்த் பேசினார்:

இலங்கைத் தமிழர்களைக் காப்பாற்ற தமிழக முதல்வர் கருணாநிதி தவறிவிட்டார் என்று தே.மு.தி.க. தலைவர் விஜயகாந்த் குற்றஞ்சாட்டினார். அவர் அங்கு மேலும் தெரிவித்தவை வருமாறு:

இந்த தொகுதியில் ஏன் தேர்தல் வந்தது என்பதை சிந்திக்க வேண்டும். இந்த தேர்தலில் உங்கள் எதிர்ப்பை காட்டுங்கள். அப்போது தான் ஆளும் கட்சியினருக்கு பயம் ஏற்படும். உங்களுக்கு நல்ல ஆட்சி வரவேண்டும். தே.மு.தி.க. 21ஆவது கட்சி என்றார்கள். அப்படி சொன்னவர்களை இன்று காணவில்லை.

தற்போது களத்தில் தி.மு.க., அ.தி.மு.க., தே.மு.தி.க. மட்டுமே உள்ளது. தைரியம் இருந்தால் அவர்களும் வந்து நிற்கலாம். என்றார்.

ஆட்சிக்கு வந்தால் விலைவாசியை குறை‌ப்பே‌ன்: விஜயகாந்த்

admin — Mon, 14 Dec 2009 10:25:26 +0000

‘ஆட்சிக்கு வந்தால் விலைவாசியை குறைத்துக்காட்டுவேன்” என்று தே.மு.‌தி.க. தலைவ‌ர் விஜயகாந்த் கூறினார்.

திருச்செந்தூர் தொகுதி இடைத்தேர்தலில் தே.மு.தி.க. சார்பில் போ‌ட்டி‌யிடு‌ம் வேட்பாள‌ர் கோமதி ஆ.கணேசனுக்கு தூ‌‌த்து‌க்குடி மாவ‌ட்ட‌ம் அடை‌க்கலாபுர‌த்‌தி‌ல் அ‌க்க‌ட்‌சி தலைவ‌‌ர் ‌விஜயகா‌ந்‌த் ஆதரவு திரட்டினா‌ர்.

அ‌ப்போது அவ‌ர் பேசுகை‌யி‌ல், தற்போது தி.மு.க., அ.தி.மு.க.வினர் ஓட்டுக்கு பணம் கொடுக்கிறார்கள். தே.மு.தி.க. போட்டியிடுவதால்தான் இந்த பணம் உங்களுக்கு வருகிறது. விலைவாசி தொடர்ந்து அதிகரித்துக் கொண்டு இருக்கிறது. நான் ஆட்சிக்கு வந்தால் விலைவாசியை குறைத்துக்காட்டுவேன். நான் சவால் விடுகிறேன். ஒருமுறை தே.மு.தி.க.வை வெற்றி பெற செய்யுங்கள். போட்டியிடும் கட்சிகளில் எங்கள் கட்சிதான் பெரிய கட்சி. மற்றவர்கள்தான் கூட்டணி பலத்துடன் களத்தில் உள்ளனர்.

நாங்கள் மக்களுடன் மட்டும் கூட்டணி வைத்து உள்ளோம். மத்திய அரசு நாற்கர சாலைபோட்டோம் என்கிறார்கள். அதிலும் ஊழல் நடந்துள்ளது. நாசரேத் நூற்பாலைக்கு ஒரு எந்திரம் வாங்கியபோது, காமராஜருக்கு கமிஷன் கொடுக்க முன்வந்தார்கள். ஆனால் காமராஜர் அதை வாங்க மறுத்தார். அதற்கு பதில் மேலும் ஒரு எந்திரத்தை கொடுங்கள் என்று கேட்டு 2 எந்திரங்களை நாசரேத்தில் நிறுவினார்.

ஆனால் தற்போது ஊழல் மலிந்து விட்டது. எங்களுக்கு ஒரு வாய்ப்பு கொடுங்கள். சினிமாவில் என்னோடு எப்போதும் இருப்பவர்கள் மீனவ நண்பர்கள். மீனவர் பிரச்சனைக்காக ராமே‌ஸ்வரத்திலும், டெல்லியிலும் போராட்டம் நடத்தினேன். ராமேசுவரத்துக்கும், இலங்கைக்கும் இருப்பது சிறிய தூரம்தான். இருநாட்டு மீனவர்களும் எந்த பகுதியிலும் மீன்பிடிக்க அனுமதிக்க வேண்டும். மீனவர்களால்தான் கடலுக்குள் வேறுயாரும் நுழைந்தாலும் அடையாளம் காட்டமுடியும்.

அடித்தால்தான் மாங்காய் விழும் என்பதுபோல மீனவர்கள் பிரச்சனையில் போராட்டம் நடத்திக்கொண்டு இருக்கிறேன். நிச்சயமாக தீர்வு சொல்வேன். உங்களுக்காக போராடுவேன். எனது போராட்டத்துக்கு நீங்கள் கைகொடுக்க வேண்டும். மீனவர்கள் வேதனையை அரசுக்கு புரியவைப்பேன் எ‌ன்று விஜயகாந்த் பேசினார்.

ஏன் இந்த தேர்தல் வந்தது – விஜயகாந்த் கேள்வி

admin — Sun, 13 Dec 2009 10:28:35 +0000

திருச்செந்தூர் தொகுதியில் தே.மு.தி.க.,வேட்பாளர் கோமதி கணேசனை ஆதரித்து விஜயகாந்த் பிரச்சாரம் செய்தார். அப்போது, “இந்த இடைத்தேர்தல் தற்போது அவசியம்தானா. ஏன் இந்த தேர்தல் வந்தது” என்று கேட்டார்.

பிரச்சாரத்தில் அவர் கூறியதாவது:

இந்த இடைத்தேர்தல் தற்போது அவசியம்தானா. ஏன் இந்த தேர்தல் வந்தது. ரோடு சரியில்லை, குடிநீர் பிரச்சனையை தீர்க்க முடியவில்லை, சுகாதார வசதிகள் செய்துதரப்படவில்லை என்று கூறி அவர் ராஜினாமா செய்தாரா அல்லது தமது சொத்துக்களை பாதுகாத்துக்கொள்வதற்காக ராஜினாமா செய்தாரா என்பதை மக்கள் யோசித்து பார்க்க வேண்டும்.

ஆளுங்கட்சிக்கு உங்கள் எதிர்ப்பை காட்டவேண்டும். அப்போதுதான் ஆளுங்கட்சிக்கு பயம் வரும். இந்த தேர்தலால் ஆட்சி மாற்றம் ஏற்பட்டுவிடப்போவதில்லை என்றாலும் மாற்றத்திற்கு வழி வகுக்கும் என்று அவர் கூறினார்.

சட்டசபை இடைத்தேர்தல்: விஜயகாந்த் 4 நாள் பிரசாரம்

admin — Mon, 07 Dec 2009 04:38:33 +0000

சென்னை: திருச்செந்தூர், வந்தவாசி இடைத்தேர்தலில், தே.மு.தி.க தலைவர் விஜயகாந்த் வரும் 12ம் தேதி முதல் 4 நாட்கள் சூறாவளி பிரசாரம் மேற்கொள்ள திட்டமிட்டுள்ளார்.
டிசம்பர் 19ம் தேதி திருச்செந்தூர், வந்தவாசி சட்டசபைத் தொகுதிகளில் இடைத்தேர்தல் நடைபெற உள்ளது. தே.மு.தி.க வேட்பாளர்களை ஆதரித்து திருச்செந்தூர் தொகுதியில் 12ம் தேதியும், 15ம் தேதி வந்தவாசியிலும் தனது அக்கட்சியின் தலைவர் விஜயகாந்த் வாக்குகள் சேகரிக்க உள்ளார்.


ஆறுமுகநேரி, காயல்பட்டணம், வீரபாண்டியபட்டணம், திருச்செந்தூர், நாலுமுனைக்கிணறு, காயாமொழி, பூச்சிக்காடு, வள்ளிவிளை, சோனங்காட்டுவிளை, குரும்பூர் (பஜார்), சேதுக்குவாய்த்தான், வடக்கு ஆத்தூர், புன்னக்காயல், தெற்கு ஆத்தூர் ஆகிய ஊர்களில் 12 மற்றும் 13ம் தேதி விஜயகாந்த் பிரசாரம் செய்கிறார்.
வந்தவாசி தொகுதியில் 15, 16ம் தேதிகளில் அவர் சுற்றுப்பயணம் செய்கிறார். தே.மு.தி.க வெளியிட்ட செய்தி்க்குறிப்பில் இத்தகவல் தெரிவிக்கப்பட்டுள்ளது.



லஞ்சமே விபத்துகளுக்கு காரணம்: விஜயகாந்த்
admin — Fri, 04 Dec 2009 04:56:11 +0000
சென்னை: லஞ்சம் வாங்கிக் கொண்டு போக்குவரத்து விதிமுறைகளை அமல்படுத்தாமல், கண்டுகொள்ளாமல் இருப்பதுதான் விபத்துகளுக்கு காரணம் என்று தேமுதிக தலைவர் விஜயகாந்த் குற்றம் சாட்டியுள்ளார்.



அவர் வெளியிட்டுள்ள அறிக்கையில்,
சற்றும் எதிர்பாராத வகையில் திடுக்கிடும் இரண்டு செய்திகள் நம்மை அதிரவைத்துள்ளன.
வே தாரண்யம் அருகில் 25 பள்ளிக் குழந்தைகளோடு 2 ஆசிரியர்களை ஏற்றிச் சென்ற வேன் குளத்தில் கவிழ்ந்து விபத்துக்குள்ளானது. அதில் ஒரு ஆசிரியையும், 9 குழந்தைகளும்

இறந்துள்ளனர். 11 குழந்தைகள் படுகாயங்களுடன் மருத்துவமனையில்

அனுமதிக்கப்பட்டுள்ளனர்.
அ துபோல, ஆத்தூருக்கு அருகில் 40 பள்ளிக் குழந்தைகளை ஏற்றிச் சென்ற வேன் மரத்தில் மோதி கவிழ்ந்ததில் 20 பேர் படுகாயம் அடைந்துள்ளனர். அதில் டிரைவரும், 4 குழந்தைகளும்

கவலைக்கிடமான நிலையில் உள்ளனர் என்று தெரிகிறது.
அ ரசு நிர்வாகங்களில் எங்கும் லஞ்சமும், ஊழலும் தாண்டவமாடுவதே இதற்கெல்லாம் காரணம். சாலை போடும் ஒப்பந்ததாரரிடம் லஞ்சம் வாங்குவது, லஞ்சம் வாங்கிக் கொண்டு வாகன உரிமம் ஓட்டுநர் உரிமம் வழங்குவது தான் விபத்துகளுக்கு காரணம்.
ஓட் டுநர் உரிமம் இல்லாமல் வாகனங்கள் ஓட்டுவது, அதிக வேகம் மற்றும் அளவுக்கு அதிகமாக வேன்களில் பள்ளிக் குழந்தைகளை ஏற்றுவது ஆகியவற்றை லஞ்சம் பெற்றுக் கொண்டு கண்டுகொள்ளாமல் விடுவதுதான் இதுபோன்ற விபத்துகளுக்கு காரணமாக அமைகிறது.
போக்குவரத்துத் துறையின் நிர்வாகச் சீர்கேட்டுக்கு நாம் தரும் விலையே இந்த குழந்தைகளின் மரணங்கள்.
குழந்தைகளை இழந்து துயருறும் பெற்றோர்களுக்கு எனது ஆழ்ந்த இரங்கலைத் தெரிவித்துக் கொள்கிறேன் என்று கூறியுள்ளார் விஜய்காந்த்.



ஊனமு‌ற்றோரு‌க்கு சலுகை‌யி‌ல்லை: த‌மிழக அரசு ‌மீது ‌விஜயகா‌ந்‌த் கு‌ற்ற‌ச்சா‌ற்று
admin — Wed, 02 Dec 2009 10:17:00 +0000
மூ‌ன்று ச‌க்கர வாகன‌ம் கே‌ட்டு ‌வி‌ண்ண‌ப்‌‌பி‌த்த ஊனமு‌ற்றவ‌ர்க‌ளி‌ல் 80 பே‌ரி‌‌ல் நா‌ன்கு பேரு‌‌க்கு‌ம், உதவி கேட்டு வி‌ண்‌ண‌ப்‌பி‌த்த மனவ‌ள‌ர்‌ச்‌சி கு‌‌ன்‌றிய‌வர்க‌ளி‌ல் 4 ஆ‌யிர‌ம் பே‌‌‌ரி‌ல் 2 ஆ‌யிர‌ம் பேரு‌க்கு‌த்தா‌ன் ‌உத‌வி‌த்தொகை கிடை‌த்து‌ள்ளது எ‌ன்று தே.மு.தி.க தலைவர் விஜயகாந்த் கு‌ற்ற‌‌ம் சா‌ற்‌‌றியு‌ள்ளா‌ர்.



இது தொடர்பாக அவர் இ‌ன்று வெ‌ளி‌யி‌ட்டு‌ள்ள அ‌றி‌க்கை‌யி‌ல், உடல் ஊனமுற்றோர் நம்முடைய உடன் பிறந்த சகோதர, சகோதரிகளாக மதிக்கப்பட வேண்டியவர்கள். அவர்களுக்கு இருக்கின்ற குறைகளை ஒவ்வொருவரும் தீர்க்கப் பாடுபட வேண்டும். அதற்காகவே டிசம்பர் 3ஆம் நாள் உலக ஊனமுற்றோர் தினமாக கொண்டாடப்படுகிறது.
தே.மு.தி.க இதை உணர்ந்து அவர்களுக்கென உடல் ஊனமுற்றோர் நல அணி உருவாக்கியதோடு, கடந்த 27 ஆண்டுகளாக எனது பிறந்தநாளில் உடல் ஊனமுற்றோர்களுக்கு நலஉதவிகளைச் செய்து வருகிறேன். தமிழக அரசு ஊனமுற்றோருக்கு வாரியம் அமைத்தது. ஆனால் ஊனமுற்றோருக்கு முறையான சலுகைகள் போதிய அளவில் வழங்கப்படவில்லை. மாதந்தோறும் ரூ.500 உதவி வழங்குவதாக அறிவித்தார்கள். இன்னும் இந்த சலுகை அவர்களுக்கு முழுமையாக சென்றடையவில்லை.
வாரிய உறுப்பினர்களுக்கு எந்தவிதமான உரிமைகளோ, அதிகாரங்களோ இல்லையென்று சமூக நலத்துறை அமைச்சர் வாரியக் கூட்டத்தில் அறிவித்தார் என்று தெரிகிறது. இது வாரியம் என்ற பெயரில் ஊனமுற்ற மக்களை ஏமாற்றுகின்ற வேலையாகும். மேலை நாடுகளில் உடல் ஊனமுற்றோர்களுக்கு ஒவ்வொரு இடத்திலும் விசேஷ சலுகைகள் அளிக்கப்படுகிறது. அவர்கள் பயணம் செய்வதற்கு பிரத்தியோக வசதிகள் செய்யப்படுகின்றன.
அரசு வெளியூர் பேருந்துகளில் ஊனமுற்றோருக்கு மட்டுமே சலுகை கட்டணத்தில் பயணச்சீட்டு வழங்கப்படுகிறது. ஆனால் ஊனமுற்றோரை அழைத்து வரும் உதவியாளருக்கும் சலுகை வழங்க வேண்டும். இந்த சலுகை ஏற்கனவே மத்திய அரசால் இர‌யில்வே துறையில் வழங்கப்பட்டு வருகிறது.
அது போன்று இரயில் பயணம் செய்யவிரும்பும் ஊனமுற்றோர் முன்பதிவு செய்து தான் பயணம் செய்ய வேண்டுமென மத்திய அரசு அறிவித்ததை வன்மையாக கண்டிக்கிறேன். ஊனமுற்றோருக்கான உதவித் தொகை 70 சதவிகிதம் பாதிப்பு இருந்தால்தான் தரப்படுகிறது. அது 50 சதவிகிதம் பாதிப்பு இருந்தாலே தரப்பட வேண்டும்.
திருமண உதவித் தொகையான ரூ.20 ஆயிரத்தில், ரூ.10 ஆயிரம் தேசிய சேமிப்பு பத்திரமாக வழங்கப்படுவதால் இந்த உதவித் தொகையை பயன்படுத்த முடியாமல் போகிறது. அதற்கு பதிலாக உதவித்தொகை முழுவதுமே பண உதவியாக வழங்கப்பட வேண்டும்.
சென்னை மாவட்டத்தில் 80 பேருக்கு ஊனமுற்றோர் மூ‌ன்று ச‌க்கர வாகன‌ம் வேண்டுமென மனு கொடுத்ததில் வெறும் நான்கு பேருக்கு மட்டும் வழங்கப்பட்டுள்ளது. மேலும் மனவளர்ச்சி குன்றிய 4000 பேர் உதவி கேட்டு மனு போட்டதில் 2000 பேருக்குத்தான் உதவி வழங்கப்பட்டுள்ளது. இது மனு செய்த அனைவருக்கும் வழங்கப்பட வேண்டும் எ‌ன்று ‌விஜயகா‌ந்‌த் கோ‌‌ரி‌க்கை வை‌த்து‌ள்ளா‌ர்.



தேமுதிக வேட்பாளர்கள்: திருச்செந்தூர்-கோமதி கணேசன், வந்தவாசி-ஜனார்தனன்
admin — Fri, 27 Nov 2009 04:56:54 +0000
சென்னை: வரும் இடைத் தேர்தலில் திருச்செந்தூர் தொகுதியில் தேமுதிக சார்பில் கோமதி ஆ.கணேசனும், வந்தவாசியில் என்.ஜனார்தனனும் போட்டியிடுகின்றனர்.
இதற்கான அறிவிப்பை தேமுதிக தலைவர் விஜய்காந்த் இன்று வெளியிட்டார்.

DMDK India

பண‌ம் கொடு‌ப்பதுதா‌ன் ‌திரும‌ங்கல‌ம் பா‌ர்முலா: விஜ​ய​காந்த்

என் தைரியத்தை விலை கொடுத்து வாங்க முடியாது – விஜயகாந்த்

சத்திரியராக இருப்பதை விட சாணக்கியராக இருங்கள் விஜயகாந்த் தெரிவிப்பு!

ஈழத் தமிழரைக் காப்பாற்ற தவறிவிட்டார் கருணாநிதி – விஜயகாந்த்

ஆட்சிக்கு வந்தால் விலைவாசியை குறை‌ப்பே‌ன்: விஜயகாந்த்

ஏன் இந்த தேர்தல் வந்தது – விஜயகாந்த் கேள்வி

சட்டசபை இடைத்தேர்தல்: விஜயகாந்த் 4 நாள் பிரசாரம்

லஞ்​சமே விபத்​து​க​ளுக்கு கார​ணம்: விஜ​ய​காந்த்

ஊனமு‌ற்றோரு‌க்கு சலுகை‌யி‌ல்லை: த‌மிழக அரசு ‌மீது ‌விஜயகா‌ந்‌த் கு‌ற்ற‌ச்சா‌ற்று

தேமுதிக வேட்பாளர்கள்: திருச்செந்தூர்-கோமதி கணேசன், வந்தவாசி-ஜனார்தனன்

பண‌ம் கொடு‌ப்பதுதா‌ன் ‌திரும‌ங்கல‌ம் பா‌ர்முலா: விஜயகாந்த்

லஞ்சமே விபத்துகளுக்கு காரணம்: விஜயகாந்த்